tg-me.com/h_ameer2/25348
Last Update:
شيفيد اشكثر كلناهه شيفيد
لا يكفي البجي اولا لطمة الأيد
بينه اصعب جرح مايشفه ويهيد
زينب من اجت للشام بي عيد
يعيون اعله زينب لا تبطلن
وتعمن ريتجن الام عون تعمن
الشام اذاهه چي يعرفها بتمن
حنلهه الحجر والشام ما حن
ياصبر ينفع الافعاله
طبته وزينب بيا حاله
اليدخل الشام دمعته تكوده
الضحكه التمر علي جتاله
هذا الشام ،، الماكو شبر ابكاعه مابي شوغه ودمعة
هذا الشام ،، الما رحم علوية وزاد الفجعة ابفجعة
هذا الشام ،، الما تطيح احجايته بالشام ياهو يسمعة
،،،،،،،،،،،،،،،،
شيجبر گلبه يالماطايح وطاح
اشيروح ألامــهـه التـتـمنـه تـرتاح
وكلفه جروحهه الحاديهه ذباح
الجدم رد من سبي فتره ورجع راح
و ما فاد الصبر وياهه ما فاد
وزمنهه الهسه جرح الخوه ماشاد
جرح الخوه ينزف ما اله اضماد
انعاد الشام بس كافلهه ماعاد
انعادت ايام مرار اعليها
وهم رجع الاجنبي يحديها
للمصايب ترد والغربه
وهم رجع شامت ايبجيها
مظلومة ،،، سر علي والزهرة وقطب ضعون الغيرة
مظلومة ،،، وردت اردود انوب ومن ديرة الديرة
مظلومة ،،، والازقت شامهم ترجع هاي اجبيرة
،،،،،،،،،،،،،،،،،،،،
مطلوب الخدر للشام مطلوب
وما لحك گلبهه ينسه الادروب
البي جمرة قصر من چويه متعوب
شلون يرد أله ويردله مغصوب
ما مقسومة تبقه بدار الحسين
قسمتهه التعب والمشي الا وين
راحت ثاني مره وسابله العين
لچن ماراحت اتفوت الدواوين؟
كبل من الخيم طلعوها
على هزله وسبي مشوها
لچن هالمره اصعب واكلف
من مدينة جدها ويلي اخذوها
واويلاه ،، من مدينة جدها انوخذت خدر العترة
واويلاه ،، ورد يويلي الحادي المايرحم ع الحره
واويلاه ،، وماكو صارم ينسل ويفك بت الزهرة
،،،،،،،،،،،،،
منحوت اعله زينب غربه منحوت
الارض ذباح اخوهه تعود وتفوت
اولا مو للقصر لا رايحه تموت
وبديرة شماته اتسكن الصوت
للشام اوصلت هاي ام الاحزان
ابأخر نضرة دارت صوب المچان
البي فكدت أمان وفكدت اخوان
غمضت عينهه بدمعه اعله عطشان
مقتل ابحاله دمعة عينها
ونت وناحت اعله حسينها
شسوه بيها الوكت من دونه
ماتت ابكاع بشر سابينها
اه يم عون ،، متي من شماتهم لو من دك دمامهم
اه يم عون ،، بس خبثهم شفتي ما شفتي احسانهم
اه يم عون ،، هذا لا مو كدرج تندفنين ابشامهم
عباس اديب المالكي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Warning: Undefined variable $i in /var/www/tg-me/post.php on line 280
Share with your friend now:
tg-me.com/h_ameer2/25348